३२ साउन, काठमाडौँ । प्रदेश नम्बर ५ को बाँकेको नरैनापुर गाउँपालिका–६ गंगापुर कुदरबेटवामा नालामा डुबेर आमाछोरीको ज्यान गएको छ । प्रहरीका अनुसार स्थानीय सिंगैया नालामा पानीको सतह कम भएपछि मंगलबार राति जमुनीबाट कुदरबेटवा घर फर्किने क्रममा छोटेलाल यादवकी श्रीमती ३० वर्षकी सेमदोली यादव र ८ वर्षकी छोरी अञ्जली र ३ वर्षकी छोरी सुनिता यादव नालामा डुबेर बेपत्ता भएका थिए । बेपत्ता मध्ये आमा र छोरी अञ्जलीको शव बुधबार बिहान फेला परेको छ । जिल्ला प्रहरी कार्यालय बाँकेका प्रहरी निरीक्षक वीरबहादुर थापाका अनुसार बेपत्ता सुनिताको खोजी भइरहेको छ ।
प्रकाशित मिति: मंगलबार, साउन ३१, २०७४
-1732776560.jpg)
