२९ साउन, काठमाडौँ । राष्ट्रिय मानव अधिकार आयोगले अविरल वर्षसँगै आएको बाढी र पहिरोबाट विभिन्न जिल्लामा अहिलेसम्म ६४ जनाको ज्यान गएको जनाएको छ । प्राप्त विवरण अनुसार बाढी, पहिरो र डुबानमा परेर ४४ जना घाइते भएका छन् भने ३६ जना बेपत्ता भएका छन् । झण्डै १९ हजार घरपरिवार विस्थापित भएका, ७ सय २८ घरहरु पूर्णरुपमा क्षति भएका तथा २ हजार १ सय ५३ घरमा आंशिक क्षति भएको मानवअधिकार आयोगले जनाएको छ । बाढी, पहिरो तथा डुबानपछि सृजित अवस्थाप्रति राष्ट्रिय मानव अधिकार आयोगको गम्भीर ध्यानाकर्षण भएको जनाउँदै राहत, उद्धारको लागि प्रभावकारी कार्य भएको नपाइएको भन्दै तत्काल जुट्न आग्रह समेत गरेको छ ।
प्रकाशित मिति: शनिबार, साउन २८, २०७४
-1732776560.jpg)
