२९ साउन, नवलपरासी । पूर्व–पश्चिम राजमार्गको नवलपरासी खण्ड ३८ घण्टादेखि अबरुद्ध रहेको छ । सडक भासिएपछि राजमार्ग बन्द भएको हो । शुक्रबार राति १० बजेदेखि अवरुद्ध पूर्व–पश्चिम राजमार्गअन्तर्गत नवलपरासीको दाउन्ने सडकखण्ड अझैसम्म सञ्चालनमा आउन सकेको छैन । लगाताररुपमा पहिरो खसेको र शनिबार दाउन्ने सडकखण्डअन्तर्गत एस मोड क्षेत्रमा सडकका केही भाग भासिएपछि सडक अवरुद्ध छ । भासिएको सडकमा बाटो खोल्ने काम भइरहेको छ, वर्षाका कारण काम गर्न कठिनाइ छ । नवलपरासीका प्रमुख जिल्ला अधिकारी उदयबहादुर रानामगरले सवारी आवतजावत पूर्णरुपमा बन्द भएकोले वैकल्पिक बाटोको प्रयोग गर्न आग्रह गरेका छन । अझै सडक सञ्चालन हुने निश्चित छैन । सडकमा पहिरो पन्छाउने र नयाँ बाटो खोल्ने काम जारी छ, यद्यपि पहिरो आउने क्रम नरोकिँदा झन समस्या भएको छ ।
प्रकाशित मिति: शनिबार, साउन २८, २०७४
-1732776560.jpg)
