२९ साउन, रौतहट । रौतहटमा सुत्केरी गराउन स्वास्थ्य संस्थामा जादै गरेको जीप बाढीले बगाउँदा ६ जनाको मृत्यु भएको छ । रौतहटको राजपुर गाउँपालिका–३ स्थित बमन नहरको बाँध भत्किँदा जीप बाढीमा बगेको प्रहरीेले जनाएको छ । मृत्यु हुनेमा परोहा गाउँपालिका ३ लौकाहाका ३२ वर्षीय चन्दन यादव, उनको श्रीमती सर्मिला यादव, आमा सुमित्रादेवी, भाउजु ललिता देवी, भतिजा सरोज यादव र छोरी छोटु यादव रहेको प्रहरीले जनाएको छ । जिल्ला प्रहरी कार्यालय रौतहटका प्रहरी उपरीक्षक यज्ञविनोद पोखरेलले लौकाहाबाट बिहान करिव ३ बजे उनीहरु राजपुरस्थित स्वास्थ्यकेन्द्रमा गर्भवती गराउन जाँदै गर्दा बाढीमा बगेको जानकारी दिए ।
प्रकाशित मिति: शनिबार, साउन २८, २०७४
-1732776560.jpg)
