२८ साउन, सिन्धुली । सिन्धुलीमा पहिरोमा पुरिएर एकै परिवारका चारजनाको मृत्यु भएको छ । सिन्धुलीको कमलामाई नगरपालिका–६ गैरीगाउँमा पहिरोले घर भत्काउँदा एकै परिवारका चारजनाको ज्यान गएको हो । जिल्ला प्रहरी कार्यालयको पर्खाल लडेर घर भत्किँदा २७ वर्षकी दुर्गा खड्का, उनका छोरा १० वर्षका अनिष र ८ वर्षका मनिष तथा १५ वर्षकी छोरी शोभाको ज्यान गएको जनाएको छ । शुक्रबार राति चिसो भएर घर बाहिर निस्किएका दुर्गाका श्रीमान उदयबहादुरलाई प्रहरीले उद्धार गरेको छ ।
प्रकाशित मिति: शुक्रबार, साउन २७, २०७४
-1732776560.jpg)
