चुडामणि शर्मालाई साधारण तारेखमा रिहा गर्न सर्वोच्चको आदेश (पूर्णपाठसहित)

समाचार

चुडामणि शर्मालाई साधारण तारेखमा रिहा गर्न सर्वोच्चको आदेश (पूर्णपाठसहित)चुडामणि शर्मालाई साधारण तारेखमा रिहा गर्न सर्वोच्चको आदेश (पूर्णपाठसहित)

आजको न्युज बिहीबार, साउन २६, २०७४

२७ साउन, काठमाडौँ । आन्तरिक राजस्व विभागका निलम्बित महानिर्देशक चुडामणी शर्मालाई साधारण तारेखमा रिहा गर्न सर्वोच्च अदालतले आदेश दिएकोछ । सर्वोच्चको पूर्ण इजलाशले यस्तो आदेश दिएको हो । आफ्नो पतिलाई गैरकानूनी रुपमा थुनामा राखेको भन्दै चुडामणिकी पत्नी कल्पना उप्रेती शर्माले गत असार २७ गते सर्वोच्च अदालतमा बन्दी प्रत्यक्षीकरणको मुद्दा दायर गरेकी थिइन् । न्यायाधीश दीपकराज जोशी, दीपककुमार कार्की, केदारप्रसाद चालिसे, शारदाप्रसाद घिमिरे र अनिलकुमार सिन्हाको बृहत् पूर्ण इजलाशले शुक्रबार सो रिट जारी गरेको हो । शर्मा थुनामुक्त भएपनि उनी विरुद्ध लागेको भ्रष्टाचारको मुद्दाको सुनुवाई भने हुने र विशेषमा परेको मुद्दा उतै फिर्ता गरिदिएको छ । कर फस्र्योट आयोगमार्फत गैरकानूनी रुपमा कर मिनाहा गरेको भन्दै उनलाई जेठ १९ गते अख्तियार दुरुपयोग अनुसन्धान आयोगले पक्राउ गरेको थियो । उनीसहित कर फर्छ्योट आयोगका अध्यक्ष लुम्बध्वज महत र सदस्य उमेशप्रसाद ढकालविरुद्ध १० अर्ब २ करोड रुपैयाँको माग दाबी गर्दै साउन १ गते मुद्दा दर्ता भएको थियो । सर्वोच्च अदालतले गत १७ गते चुडामणिलाई न्यायिक हिरासतमा राख्न आदेश दियो । त्यसदिनदेखि चुडामणि अख्तियार परिसरको थुनुवा घरबाट टेकुस्थित प्रहरी परिसरको थुनुवा कक्षमा थिए ।

Chudamani_Sharma1 Chudamani_Sharma2 Chudamani_Sharma3 Chudamani_Sharma4 Chudamani_Sharma5 Chudamani_Sharma6 Chudamani_Sharma7 Chudamani_Sharma8