२७ साउन, काठमाडौँ । डेढ बर्ष अघि नै सेवाबाट अनिर्वाय अवकाश पाउनु पर्ने एक प्रहरी अधिकृत डिएसपीमा बढुवा भएको तथ्य सार्वजनिक भएको छ । दुई वटा नगरिकता लिएका एक प्रहरी निरीक्षकले उमेर ढाँटेर डिएसपीमा बढुवा समेत पाएका छन । केही दिनअघि गृह मन्त्रालयले बढुवा गरेको सुचीमा परेका जिल्ला प्रहरी कार्यालय डोटीमा कार्यरत बल्लभबहादुर सिंहले फरक फरक जिल्लाबाट फरक मितिमा नागरिकता जारी गरेको फेला परेपछि प्रहरी किताव खानाले सिंहमाथि कारवाही गर्ने तयारी गरेको छ । सिंहले प्रहरी किताव खानमा पेश गरेको नागरिकतामा जन्ममिति २०१६ साल उल्लेख रहेको छ । नागरिकता हराएपछि कामको सिलसिलामा कालिकोट पुगेका सिंहले त्यहांबाट लिएको प्रतिलिपि नागरिकतामा जन्ममिति २०१८ साल उल्लेख गरिएको छ । प्रहरी निरीक्षकबाट प्रहरी नायव उपरीक्षकमा बढुवा भएका ९४ जनामध्ये उनी अन्तिम नम्बरमा बढुवा भएका थिए । उनले पेश गरेको नागरितामा फरक फरक जन्ममिति फेला परेपछि प्रहरी किताव खानाले कारवाहीकालागि प्रहरी प्रधान कार्यालयलाई पत्र पठाएको छ । उनले पेश गरेको नागरिता अनुसार ढेड बर्ष अधि नै सेवाबाट अनिर्वाय अवकास पाउनु पर्ने थियो । तर उनले ढाटेर फरक जन्म मिति पेश गरेपछि बढुवा समेत भएका थिए । उनले बझाङ र कालिकोटबाट दुई वटा नगरिकता बनाएको खुलेका छ ।
प्रकाशित मिति: बिहीबार, साउन २६, २०७४
-1732776560.jpg)
