२७ साउन, बागलुङ । बागलुङको गलकोट नगरपालिकामा घर भत्किँदा दुई जनाको ज्यान गएको छ । गलकोट नगरपालिका वडा नम्बर ९ बडागाउँमा बिहीबार राति घर भत्किँदा दुई जनाको मृत्यु भएको हो । ठूलो वर्षाका कारण राति २ बजेतिर घर पछाडिको गाह्रो भत्किँदा ७५ वर्षका जयलाल बिक र उनका नाती १३ वर्षका विवेक बिकको माटोमा पुरिएर घटनास्थलै ज्यान गएको प्रहरीले जनाएको छ । बिहान अबेरसम्म पनि घरमा दुवै जना नउठेको देखेपछि आफन्तले हेर्न जाँदा पुरिएको अवस्थामा शव भेटिएको जिल्ला प्रहरी कार्यालय बागलुङका प्रहरी नायव उपरीक्षक अनिल खड्काले जानकारी दिए ।
प्रकाशित मिति: बिहीबार, साउन २६, २०७४
-1732776560.jpg)
