काठमाडौँ । आजदेखि आन्तरिक उडान नियमित सञ्चालन हुने भएको छ । कोरोना भाइरस(कोभिड–१९) महामारीका कारण लगाइएको निषेधाज्ञाले बन्द भएको आन्तरिक उडान आजदेखि खुलेको हो ।
मन्त्रिपरिषद्को निर्णय अनुसार संस्कृति, पर्यटन तथा नागरिक उड्डयन मन्त्रालयले आजदेखि नियमित आन्तरिक उडान सञ्चालन गर्ने निर्णय गरेको हो । उडान नियमित सञ्चालन गरे पनि आजदेखि ५० प्रतिशत मात्रै सञ्चालन हुने छ । दैनिक ६४ वटा उडान मात्रै गर्ने नेपाल नागरिक उड्डयन प्राधिकरणको तयारी छ । उडानका लागि बुद्ध एयरले ३१, यतिले १५, श्री एयरलेले ७, सौर्य एयरलाइन्सले ३ उडान मात्रै अनुमति पाएका छन् ।
दुर्गममा उडाउने कम्पनीले काठमाडौँबाट दैनिक ८ उडान अनुमति पाएका छन् । काठमाडौँबाट अहिले तारा र समिट एयरले मात्रै दुर्गममा उडान गर्दै आएका छन् । सीता एयरले क्षेत्रीय विमानस्थललाई आधार बनाएर दुर्गममा उडान सेवा दिइरहेको छ । हवाई यात्रुले स्वास्थ्य मापदण्ड अनिवार्य पालना गर्ने
प्रकाशित मिति: बिहीबार, असार १७, २०७८
-1732776560.jpg)
