२३ साउन, काठमाडौँ । ललितपुरको कुसुन्तीमा प्रहरीको गोली लागेर एक जनाको मृत्यु भएको छ । लागु औषध कारोबारमा संलग्न एक प्रविन खत्रीलाई पक्राउ गर्न खौज्दा मृत्यु भएको प्रहरीले जनाएको छ । खत्रीलाई विशेष सूचनाका आधारमा प्रक्राउ गर्न उनको घरमा जाँदा खत्रीले २ वटा पेस्तोल निकालेर प्रहरीलाई ताकेपछि प्रहरीले गोली चलाएको जनाएको छ । प्रहरीले गोली चलाएपछि उनले आफ्नै कन्चटमा पेस्तोल राखेका थिए । दाहिने कन्चटमा गोली लागेर घाइते भएका उनलाई उपचारका लागि पाटन अस्पतालमा लगिएको थियो । महानगरीय अपराध महाशाखाका प्रवक्ता प्रकाशजंग कार्कीका अनुसार खत्रीलाई प्रहरीले चलाएको गोली लागेको हो वा आफैँले गोली हानेको हो एकीन हुन बाँकी नै छ ।
प्रकाशित मिति: आइतबार, साउन २२, २०७४
-1732776560.jpg)
