२२ साउन, काठमाडौँ । युवा संघको महाधिवेशन असोजमा हुने भएको छ । संघको स्थायी कमिटी बैठकले असोजको २२ देखि २४ गतेसम्म महाधिवेशन गर्ने निर्णय गरेको सचिव माधव बास्तोलाले बताए । उनले संघको आज बसेको बैठकले महाधिवेशन काठमाडौँमा गर्ने निर्णय गरेको बताए । यसअघि युवासंघका विभिन्न विवाद देखिदै आएको थियो । संस्थापन पक्ष र माधव नेपाल पक्षको नाममा हुँदै आएको संघ भित्रको विवाद महाधिवेशनले अन्त्य गर्ने अपेक्षा गरिएको छ । संघमा उम्मेदवार बन्न उमेरको हदबन्दी तोकिएकाले अहिले आकांक्षा प्रस्तुत गरिरहेका केही नेतृत्वमा जानबाट बञ्चित हुने देखिएको छ ।
प्रकाशित मिति: शनिबार, साउन २१, २०७४
-1732776560.jpg)
