१९ साउन, चितवन । चितवनको नारायणगढ–मुग्लिन सडकखण्डमा साना ठूला गरी १५ ठाउँमा पहिरो खसेपछि अवरुद्ध भएको सडक भोलि बिहानमात्र खुल्ने भएको छ । पहिरोका कारण सडकखण्डको बिचमा परेका सावरीका यात्रु अलपत्र छन् । बुुधबार बेलुका कालिखोला नजिकै तीन किलोमा पहिरो खसेपछि अवरुद्ध बनेको सडक भोलि बिहानसम्म पनि खुल्ने निश्चित छैन । हिजो काठमाडौंबाट इलाम जान आउँदै गरेको ना ६ ख ७१२१ नम्बरको यात्रुवाहक बस र बा १५ च ९३८१ नम्बरको स्करपियो पहिरोले पुरिएका थिए । पानी परिरहेका कारण पहिरो पन्छाउन कठिनाई भएको जानकारी दिँदै नारायणगढ मुग्लिन सडक आयोजनाका इञ्जिनियर शिव खनालले पहिरो पन्छाउन लोडर र एक्साभेटर गरी पाँच वटा साधन परिचालन गरिएको बताए । उनले पहिरो पन्छाएर भोलिमात्र सवारी सञ्चालन हुने बताए ।
प्रकाशित मिति: बुधबार, साउन १८, २०७४
-1732776560.jpg)
