हेटौडा । राष्ट्रियसभा सदस्य उपनिर्वाचनको मतदान सुरु भएको छ । बिहान ९ बजेदेखि मतदानको समय निर्धारण गरिए पनि सवा नौ बजेबाट मात्रै मतदान सुरु भएको छ । आजै भर्चुअल माध्यमबाट नतिजा सार्वजनिक गर्ने निर्वाचन आयोगले जनाएको छ ।
मतदानस्थल हेटौँडा उपमहानगरपालिका–४ स्थित भुटनदेवी माविमै मतगणना गरी सोको नतिजा भर्चुअल माध्यममार्फत सार्वजनिक गर्ने योजना बनाइएको आयोगले जनाएको छ ।
निर्वाचनमा नेकपा एमालेका तर्फबाट गृहमन्त्री रामबहादुर थापा, विपक्षी गठबन्धनको तर्फबाट खिमलाल देवकोटा र नेपाल मजदुर किसान पार्टी (नेमकिपा)का कृष्णबहादुर तामाङ चुनावी प्रतिस्पर्धामा छन् ।
उपनिर्वाचनमा बागमती प्रदेशसभा सदस्य एक सय १० तथा बागमती प्रदेशअन्तर्गतका पालिका प्रमुख र उपप्रमुखहरू गरी ३४८ मतदाता छन् । निर्वाचनमा प्रदेशसभा सदस्यको ४८ र पालिका प्रमुख र उपप्रमुखको मतभार १८ कायम गरिएको छ ।
प्रकाशित मिति: बिहीबार, जेठ ६, २०७८
-1732776560.jpg)
