१८ साउन, काठमाडौँ । नुवाकोट जिल्लाको ककनी गाउँपालिकाको ओखरपौवामा काठमाडाैँ उपत्यकाको फोहोर फाल्न स्थानीय बासिन्दाले अवरोध पु¥याएका छन् । वर्षाको समयमा फोहोर व्यवस्थापनमा काठमाडाैँ महानगरपालिकाले लापरवाही गरेको भन्दै विरोधमा आज बिहानैदेखि स्थानीय बासिन्दाले फोहोर बोकेर ओखरपौवा आइपुगेका गाडी रोकेर अवरोध गरेका छन् । स्थानीयवासीको अवरोधका कारण उपत्यकाबाट फोहोर बोकेर डम्पिङ क्षेत्र ओखरपौवा आइपुगेका एक सयभन्दा बढी गाडी बीच सडकमा नै रोकिएको प्रहरी चौकी ओखरपौवाका प्रहरी सहायक निरीक्षक रामप्रसाद कोइरालाले जानकारी दिए ।
स्थानीय बासिन्दाले फोहोर फाल्ने डम्पिङ क्षेत्रमा फोहोरको विर्सजनपश्चात् दुर्गन्ध फैलन नदिन माटोले पुर्नुपर्ने र औषधि छर्केर रोगको संक्रमण नियन्त्रण गर्नुपर्ने दुईबुँदे माग राखेर फोहोर फ्याक्न अवरोध पु¥याएका हुन् । यस अघिदेखि नै स्थानीयवासीले फोहोर व्यवस्थापनमा सुधारको माग राख्दै आए पनि बेवास्था गरेपछि बाध्य भएर रोक्नुपरेको ककनी गाँउपालिका–२ का वडा अध्यक्ष घननाथ बजगाईंले बताए । “हाम्रो माग धेरै भए पनि तत्कालको लागि फोहोरको दुर्गन्ध रोक्न दुईबुँदे माग राखेका छाँै,” वडा अध्यक्ष बजगाइले भने “अब यसको विकल्प खोज्नको लागि समेत ध्यानाकर्षण गराउँछौ, तीन वर्षको लागि सहमति भए पनि १३ वर्ष भइसकेकाले सधैँको लागि बन्द गराउन लागेका छौँ ।” अवरोध खुलाउन काठमाडौँ महानगरपालिकाको प्रतिनिधि एंव जनप्रतिनिधि र स्थानीय बासिन्दाबीच छलफलको भइरहेको छ ।
ककनी गाउँपालिकाका अध्यक्ष मानबहादुर लामाले पनि विगतको सहमति र सम्झौता अनुसार महानगरले फोहर व्यवस्थापन नगरेकाले समस्या आएको बताए । उनले आजकोन्युजसँग कुरा गर्दै फोहोर माटोले पुरेर औषधि छर्क भन्दा पनि नगरेपछि गन्हाएर स्थानीय पीडित भएकाले आन्दोलित भएको बताए । अध्यक्ष लामाले समस्या समाधानका लागि आफूले पहल गर्ने बताए ।
प्रकाशित मिति: मंगलबार, साउन १७, २०७४
-1732776560.jpg)
