काठमाडौँ। लोक सेवा आयोगको अध्यक्षमा पूर्वसचिव माधवप्रसाद रेग्मी सिफारिस भएका छन् ।
संवैधानिक परिषद्को आइतबार बसेको बैठकले रेग्मीको नाम सिफारिस गरेको हो ।पूर्वसचिव रेग्मी काँग्रेस सभापति तथा विपक्षी दलका नेता शेरबहादुर देउवाको कोटाबाट सिफारिसमा भएका हुन् ।
देउवा बैठकमा सहभागी नभए पनि उनको कोटाबाट झापाका रेग्मीले नियुक्ति पाएका हुन् ।रेग्मी आयोगका अध्यक्ष हुने कुरा करिब दुई महिना अघि नै तय भएको भए पनि यही बिचमा अन्य व्यक्तिहरू समेत हुन सक्ने अड्कल काटिँदै आएको थियो ।
परिषद्ले सिफारिस गरेका नाम संसदीय सुनुवाइ समितिमा पठाइनेछ । सुनुवाइ समितिबाट अनुमोदनपछि राष्ट्रपतिबाट नियुक्त हुनेछन् ।
बैठकले लोक सेवासहित अख्तियार दुरुपयोग अनुसन्धान आयोग, निर्वाचनलगायत रिक्त अन्य सबै संवैधानिक निकायहरूमा पदाधिकारी नियुक्ति गरेको छ ।
प्रकाशित मिति: आइतबार, वैशाख २६, २०७८
-1732776560.jpg)
