काठमाडौँ । महिला अधिकृत र सैनिकलाई यौन दुर्व्यवहार गरेको भन्दै नेपाली सेनाका सहायक रथी पंकज कार्कीलाई बर्खास्त गरिएको छ ।
सङ्गठनभित्रकै महिला सैनिक अधिकृतसँग यौन दुर्व्यवहार गरेको प्रमाणित भएपछि २८ नम्बर बाहिनी सिराहाका बाहिनीपति कार्कीलाई नेपाली सेनाले बर्खास्त गरेको हो ।
कार्कीमाथि यौन दुर्व्यवहारको आरोप लागेपछि सैनिक मुख्यालयले एक उच्च अधिकृतको नेतृत्वमा गठन गरेको कोर्ट अफ इन्क्वायरीले महिला सैनिकमाथि यौन दुर्व्यवहार गरेको पुष्टि गरेपछि सेनाले कार्कीलाई सेवाबाट बर्खास्त गरेको सैनिक स्रोतले जनाएको छ ।
कार्कीसँगै उक्त घटनामा मुछिएका दुई महिला सैनिकलाइै बर्खास्त गरिएको छ ।
प्रकाशित मिति: बिहीबार, फागुन २७, २०७७
