काठमाडौँ । गोंगबु हत्या प्रकरणकी अभियुक्त कल्पना मुडभारीलाई आजीवन कारावासको सजाय सुनाइएको छ। उनले गोंगबुका एक होटलमा बस्दै आएका कृष्णबहादुर बोहराको हत्या गरी सुटकेशमा राखेर फ्याकेको पुष्टि भएपछि आजीवन कारावासको सजाय सुनाएको हो ।
जिल्ला अदालत काठमाडौँले गोंगबुमा डेरा गरी बस्दै आएकी ३७ वर्षीया कल्पना मुडभारीलाई आजीवन काराबासको सजाय सुनाएको अदालतका सूचना अधिकारी नरेन्द्रकुमार शर्माले जानकारी दिए।शर्माका अनुसार फागुन १३ गते न्यायाधीश राजेन्द्र अधिकारीको इजलासले उनलाई जिवीत रहुञ्जेल काराबासको सजाय सुनाएका हुन्।
कल्पनाले रोल्पा रून्टीगढी गाउँपालिका-७ घर भई गोंगबुस्थित एक होटलमा बस्दै गरेका ४५ वर्षीय बोहोराको हत्या गरी उनको जिँउ सुटकेसमा राखेर नवज्योतिमार्गमा फ्याँक्न लगेकी थिइन्। टाउको र खुट्टा भने केही पर भेटिएको थियो।
गोंगबु बस्ने कृष्णबहादुर बोहराको टाउको र खुट्टा बिनाको शव गत साउन २५ गते सुटकेसमा भेटिएको थियो। पछि प्रहरी तालिम प्राप्त जोजो नामको कुकुरको मद्दतले टाउको र खुट्टा फेला पारेको थियो।शव भेटिएको केही दिन पछि प्रहरीले कल्पनालाई पक्राउ गरेको थियो।
प्रकाशित मिति: बुधबार, फागुन १९, २०७७
-1732776560.jpg)
