गोरखा । गोरखाको बारपाकमा एकै परिवारका तीन जना मृत भेटिएका छन् । सुलिकोट गाउँपालिका–१ बारपाकका ८४ वर्षीय टिल बहादुर गुरुङ, उनकी २२ वर्षीया बुहारी आइत कुमारी गुरुङ र १३ वर्षीया नातिनी उषा गुरुङ सोमबार बिहान मृत भेटिएको प्रहरीले जानकारी दिएको छ ।
बिहान अबेरसम्म घरको ढोका नखोलेकोले छिमेकीहरुले ढोका खोलेर हेर्दा तीनै जना मृत अवस्थामा देखेर प्रहरीलाई खबर गरेका थिए । बारपाकबाट प्रहरीटोली घटनास्थल पुगेको हो ।
प्रहरीका अनुसार मृतकहरुको मुखबाट फिज आएकोले विषालु च्याउ खाएर ज्यान गएको हुनसक्ने अनुमान गरिएको छ । पोष्टमार्टम रिपोर्टबाट थप कारण खुल्ने बारपाक प्रहरीले जाकारी दिएको छ ।
प्रकाशित मिति: सोमबार, फागुन १०, २०७७
-1732776560.jpg)
