काठमाडौँ । पूर्व प्रधानमन्त्री तथा जनता समाजवादी पार्टीका संघीय परिषद् अध्यक्ष डा. बाबुराम भट्टराई स्वास्थ्योपचारका लागि भारत जाने भएका छन् । डा. भट्टराईको स्वास्थ्यमा समस्या आएपछि उपचारका लागि आइतबार नेपाल वायु सेवाको जहाजबाट भारतको नयाँ दिल्ली जान लागेका हुन् ।
लामो समयदेखि पेटको समस्या रहेका डा. भट्टराई काठमाडौँस्थित निदान अस्पतालमा उपचार गराउँदै आएका थिए । उनलाई न्युरो–इन्डोक्राइनको ट्युमर भएको आशंका गरेपछि चिकित्सहरुको सल्लाह र सिफारिशमा उनी दिल्ली जान लागेका हुन् । दिल्लीको ‘इन्स्टिच्युट अफ लिभर एण्ड बिलिअरी साइन्स’मा उनको उपचार हुनेछ ।
उनीसँगै हिसिला यमी र उनका प्रेस सल्लाहकार विश्वदीप पाण्डे रहनेछन्।
प्रकाशित मिति: आइतबार, फागुन ९, २०७७
-1732776560.jpg)
