काठमाडौँ । पर्सामा सशस्त्र प्रहरी र बालुवा तस्करबीच झडप भएको छ।
बालुवा तस्करी भइरहेको सूचनाका आधारमा पुगेको सशस्त्र प्रहरी टोली र तस्करबीच झडप भएको हो। झडपमा परी सशस्त्र प्रहरीका दुई जवान घाइते भएका छन्।
घाइते भएका जवान मुकेश यादव र अयुव यादवलाई नारायणी उपक्षेत्रीय अस्पतालमा उपचारका लागि लगिएको प्रदेश २ का सशस्त्र प्रहरी नायब महानिरीक्षक चन्द्रप्रकाश गौतमले बताए।उनका अनुसार पिडारीगुठी र महादेवपट्टीको बोर्डर आउट पोस्टबाट प्रहरी टोली तस्करी नियन्त्रणका लागि गएका थिए।
जगन्नाथपुर गाउँपालिका-१ को ओरिया खोलामा बालुवा झिक्न नेपालपट्टीको दसगजा क्षेत्रमा आएका तस्करहरूसँग प्रहरीको झडप भएको थियो।तस्करहरूले बेल्चा प्रहार गर्दा प्रहरी घाइते भएको गौतमले बताए ।
प्रकाशित मिति: शुक्रबार, माघ ३०, २०७७
-1732776560.jpg)
