रूपन्देही । बच्चा जन्माउन हिडेर लुम्बिनि अञ्चल अस्पताल पुगेकी एक महिलाको मृत्यु भएको छ । बुटवल अमरपथ अस्थाई रुपमा बस्दै आएकी पाल्पाकी ३१ ब्र्षिय भगवती अधिकारीको आईतबार दिउसो मृत्यु भएको हो ।
मृतकका आफन्तले डाक्टरहरुको लापरवाहीका कारण मृत्यु भएको आरोप लगाउदै शव उठाएका छैन । भगबती श्रीमान पशुपति अधिकारीले घटनाको छानबिन नभए सम्म शव नउठाउने बताएका छन ।
आइतवार ६ बजे डेलिभरीका लागि अस्पताल पुगेकी भगवतीलाई भर्ना गरेर सलाईन चढाईयो । पहिलो सलाईन सकेपछि अर्को फेर्दै गर्दा भगवती बेहोस भइन र अस्पतालको आईसियु कक्षमा सारियो । आईसियुमा उपचार गराईरहेकी भगवतीको ११ वजेतिर मृत्यु भएको हो । सुत्केरि ब्याथा संगै हृदयघात आएका कारण निधन भएको अस्पताल श्रोतको दाबी छ ।
लुम्बिनि अंचल अस्पतालका मेसु कृष्ण खनालले घटनाको छानबिन गर्ने अश्वासन दिएका छन । “मृत्युको कारणबारे बिश्वास नलागे छानबिन टोलि बनाएर छानबिन गरौँ”उनले भने “छानबिन पश्चात दोषि ठहरिए अस्पताल प्रशासन क्षतिपुर्ति दिन तयार छ ।”
प्रकाशित मिति: शनिबार, माघ २०, २०७४
-1732776560.jpg)
