चितवन । जिल्लामा ट्राफिक व्यवस्थापनका लागि ट्राफिक भाइलेसन टिकट (टीभीटी) स्टिकर टाँस्ने काम सुरू गरिएको छ । जिल्लामा सहज र सुरक्षित आवागमन व्यवस्थापनका लागि नारायणगढ बजारको केहि स्थानमा पार्किङ निषेध गरिएको छ । पार्किङ निषेध गरिएका स्थानमा पार्किङ गरिएका सवारीमा टाँसिने छ ।
हाईवे तथा चोक चौराहामा पार्किङ गर्न नपाउने स्पष्ट व्यवस्था हुँदाहुँदै पनि केहि सवारी चालकहरुले अटेर गरि निषेधित स्थानमा सवारी पार्किङ गरि राखेको पाईएको र ट्राफिक प्रहरी उक्त स्थानमा गई सवारी चालकलाई खोज्दा फेला नपर्ने हुँदा टीभीटी स्टिकर टासेर कारवाही गरिने भएको हो । माघ १७ गते देखि लागु हुने गरि ट्राफिक नियम उल्लंघन पुर्जी जारी गरिने जिल्ला ट्राफिक प्रहरी कार्यालय चितवनले जनाएको छ ।
पार्किङ निषेध गरिएका स्थानमा पार्क गरिएका सवारीमा टासिएका स्टिकर नउक्कार्इ कार्यालय समयमा २४ घण्टा भित्र कार्यालयमा सम्पर्क गरी जरिवाना तिर्नुपर्ने छ ।
प्रकाशित मिति: सोमबार, माघ १५, २०७४
-1732776560.jpg)
