होन्डुरसको रोआटान टापुबाट उडेको केहीबेरमै एक निजी विमान दुर्घटना हुँदा पाइलटसहित पाँच विदेशीको शनिवार मृत्यु भएको स्थानीय अधिकारीहरूले जनाएका छन् ।
सशस्त्र बलका प्रवक्ता जोसे डोमिंगो मेजाले चारजना अमेरिकी भएको एकजनाको राष्ट्रियता नखुलेको बताए । स्थानीय आपतकालीन सेवाहरूले चाहिँ शुरूमा चार क्यानडाली र विमानका अमेरिकी पाइलट मारिएको बताए ।
स्थानीय अधिकारीले दुर्घटनाको कारण बताएका छैनन् । पाइपर पीए–३२–२६० विमान पर्यटक शहर ट्रुजिल्लोतिर गइरहेको थियो । त्यो ठाउँ रोआटानबाट ८० किलोमिटर पर छ । उक्त सुन्दर टापुमा अमेरिका, क्यानडा र युरोपबाट पर्यटकहरू आउने गरेको अधिकारीहरूले बताए । -एजेन्सी
प्रकाशित मिति: आइतबार, जेठ ५, २०७६
-1732776560.jpg)
