चितवन । काठमाडौंबाट पोखरा जाँदै गरेको बस त्रिशूली नदीमा खस्दा ७ जनाको ज्यान गएको छ । दुर्घटनामा २३ जना यात्रुहरु घाइते भएका छन् ।
ना ६ ख २५०६ नम्बरको बस इच्छाकामना गाउँपालिकाको मुग्लिन र कुरिनटारको बिच भागबाट त्रिशूली नदीमा खसेको हो । विपरित दिशाबाट आउँदै गरेको ना ५ ख ७४०९ नम्बरको ट्रकसँग ठोक्किए पछि बस अनियन्त्रित भई खसेको जनाइएको छ ।
दुर्घटनामा घाइते भएका २३ जनालाई भरतपुर अस्पताल लगिएको छ । घटनास्थलमा अझै पनि खोजी तथा उद्दार कार्य जारी रहेको प्रहरीले जनाएको छ ।
प्रकाशित मिति: बिहीबार, साउन १०, २०७५
-1732776560.jpg)
