काठमाडौं । आज चन्द्रगहण लाग्दैछ । नेपाली समयअनुसार राति २ बजेर ९ मिनेट जाँदा सुरु हुने चन्द्रग्रहण करिब १ घण्टा ४३ मिनेटसम्म रहने जनाइएको छ । यसलाई २१ औं शताव्दीकै सबैभन्दा लामो चन्द्र ग्रहण भनिएको छ ।
नेपालबाट पनि अवलोकन गर्न सकिने यो ग्रहण नांगो आँखाले पनि हेर्न मिल्ने बताइएको छ । मिड नर्थ कोस्ट एस्ट्रोनोमीका डेभिड रेनेकाका अनुसार यसलाई नांगो आँखाले हेर्न सकिन्छ । उनी भन्छन्, ‘नांगो आँखाले हेर्दा पनि सुरक्षित हुन्छ । यो ज्यादै सुन्दर खगोलिय घटना हो, यसलाई अवलोकन गर्ने अवसर कुनै हालतमा गुमाउनु हुँदैन ।’
पृथ्वीले सूर्यको परिक्रमा गर्ने बेला पृथ्वी चन्द्रमा र सूर्यको बीचमा आउँछ । यसलाई चन्द्र ग्रहण भनिन्छ । यसपटक चन्द्र ग्रहणको बेला चन्द्रमा पृथ्वीको केन्द्र भागबाट उत्तरतिर हुँदै जानेछ । यो स्थिति एक घण्टा दुई मिनेटसम्म रहनेछ । त्यसैले यसपटकको चन्द्र ग्रहण लामो हुने छ ।
ग्रहणको बेला चन्द्रमा रातो रंगको हुने छ । यसो हुनुको कारण के हो भने जब सूर्य र चन्द्रमाको बीचमा पृथ्वी आउँछ तब सूर्यको किरण छेकिन्छ र पृथ्वीको वातावरणको प्रभावको कारण चन्द्रमा रातो रंगको देखिन्छ । वैज्ञानिकहरुले यसलाई ‘ब्लड मुन’ भन्दछन् ।
प्रकाशित मिति: बिहीबार, साउन १०, २०७५
-1732776560.jpg)
