काठमाडौं । गएराति रसुवाको टिमुरेमा गएको पहिरोमा परी ज्यान गुमाएका ४ जनाको सनाखत भएको छ ।
ज्यान गुमाउनेहरुमा सिन्धुपाल्चोक जिल्ला भोटेकोशी गाउँपालिका–५ का अन्दाजी ४२ वर्षीय श्याम श्रेष्ठ, सोही ठाउँका २७ वर्षीय विक्रम श्रेष्ठ, सोही ठाउँकै ४५ वर्षीय मंगल तामाङ र सोही गाउँपालिकाका ४ का ३५ वर्षीय रमेश खड्का रहेको जनाइएको छ ।
पहिरोमा परी अझै ५ जना हराइरहेको र उनीहरुको खोजी कार्य भइरहेको प्रहरीले जनाएको छ ।
करिब चार किमी माथिबाट आएको पहिरोले एक पक्की घर पुर्नुका साथै तीन वटा छाप्रा, होटेल र साना ठूला गरी चारवटा सवारीसाधन पूर्णरुपमा पुरिएका छन् ।
पहिरोका कारण विद्युत्, टेलिफोन सेवासमेत अवरुद्ध भएको छ ।
प्रकाशित मिति: बुधबार, साउन ९, २०७५
-1732776560.jpg)
