काठमाडौं । नेपाल कम्युनिस्ट पार्टी (नेकपा) ले कानुन, न्याय तथा संसदीय व्यवस्था मन्त्री शेरबहादुर तामाङलाई राजीनामा दिन निर्देशन दिएको छ । उनले आजै (मंगलबार) दिउँसो पत्रकार सम्मेलन मार्फत राजीनामाको घोषणा गर्ने जनाइएको छ ।
बंगलादेशमा एमबीबीएस अध्ययनरत नेपाली छात्राहरुले सर्टिफिकेट पाउन आफ्नो अस्मिता बेच्न बाध्य हुनुपरेको भन्ने आपत्तिजनक अभिव्यक्तिका कारण मन्त्री तामाङको सर्वत्र आलोचना भइरहेको छ । उक्त अभिव्यक्तिको पार्टीभित्र पनि व्यापक आलोचना भएपछि उनले विज्ञप्तिमार्फत माफी मागिसकेका छन् ।
नेकपाका नेताहरुको सोमबार साँझ बालुवाटारमा भएको छलफलमा मन्त्री तामाङलाई राजीनामा गर्न सुझाव दिइएको र मंगलबार दिउँसो २ बजे पत्रकार सम्मेलन गर्दै मन्त्री तामाङले राजीनामाको घोषणा गर्ने बताइएको छ ।
प्रकाशित मिति: सोमबार, साउन ७, २०७५
-1732776560.jpg)
