काठमाडौं । संसदीय सुनुवाई विशेष समितिका लागि १२ जना प्रतिनिधिसभा सदस्यको नाम स्वीकृत भएको छ ।
प्रतिनिधिसभाको सोमबार बसेको बैठकमा सभामुख कृष्णबहादुर महराले प्रस्तुत गरेको १२ जनाको नाम संसदले स्वीकृत गरेको हो । जसअनुसार अमृता थापा, निरुदेवी पाल, पार्वत गुरुङ, पुष्पा भुसाल, पूणार्कुमारी सुवेदी, भीमसेनदास प्रधान, योगेश भट्टराई, राजेन्द्र श्रेष्ठ, लक्ष्मणलाल कर्ण, शिवकुमार मण्डल केवट, सुरेन्द्र पाण्डे र ज्ञानेन्द्रबहादुर कार्की रहेका छन् ।
संसदीय सुनुवाइ समितिमा नेपाल कम्युनिस्ट पार्टी (नेकपा) बाट ७ जना, नेपाली कांग्रेसबाट ३ जना, राष्ट्रिय जनता पार्टी र संघीय समाजवादी फोरम नेपालबाट १/१ जना रहेका छन् ।
संसदीय सुनुवाई समिति १५ सदस्यीय हुने व्यवस्था अनुसार यसअघि नैं राष्ट्रिय सभाबाट ३ जनाको नाम स्वीकृत भइसकेको छ । जसअनुसार सुमनराज प्याकुरेल, नन्दा चपाई र जितेन्द्रनारायण देवको नाम स्वीकृत भएको थियो ।
प्रकाशित मिति: आइतबार, असार २४, २०७५
-1732776560.jpg)
