काठमाडौं । आउँदो साउन महिनाबाट टेलिफोन र इन्टरनेट सेवाको शूल्क बढ्ने भएको छ । सरकारले दूरसञ्चार शुल्कमा वृद्धि गर्दै इन्टरनेट सेवामा पनि शुल्क लगाएपछि फोन तथा इन्टरनेट सेवा महंगिने भएको हो ।
एनसेलले साउन १ गतेदेखि फोन र इन्टरनेट सेवाको मूल्य वृद्धि गर्ने जानकारी गराएको छ । एनसेलले जारी गरेको सूचना अनुसार नेपाल सरकारको कर असुली आदेश अनुरुप साउन १ देखि कल तथा अन्य दूरसञ्चार सेवामा थप २ प्रतिशत र इन्टरनेट सेवामा पनि १३ प्रतिशत कर लागु हुने जनाइएको छ ।
टेलिफोनमा ११ प्रतिशत रहेको दस्तुर २ प्रतिशत बढाएर १३ प्रतिशत पुगाउने र इन्टरनेट सेवामा पनि १३ प्रतिशत नैं शूल्क लगाउन थालिएको हो ।
नेपाल टेलिकमले पनि साउनबाट मूल्य समायोजन गर्ने जनाइएको छ ।
प्रकाशित मिति: शनिबार, असार २३, २०७५
-1732776560.jpg)
