काठमाडौं । सर्वोच्च अदालतले माइतीघर मण्डला लगायतका स्थानलाई निषेधित क्षेत्र घोषणा गर्ने र विरोध प्रदर्शनस्थल तोक्ने सरकारको निर्णय कार्यान्वयन नगर्न अन्तरिम आदेश दिएको छ ।
न्यायाधीश ईश्वर खतिवडाको एकल इजलासले निषेधित क्षेत्र घोषणा गर्ने र विरोध प्रदर्शन गर्ने ठाउँ तोक्ने सरकारको निर्णय असार २९ गतेसम्मका लागि कार्यान्वयन नगर्न र नगराउन आदेश गरेको हो ।
वरिष्ठ अधिवक्ता दिनेश त्रिपाठीले बिहिबार सरकारको निर्णय बदर गर्न माग गर्दै रिट निवेदन दिएका थिए ।
त्रिपाठीले सरकारले निषेधित क्षेत्र र विरोध प्रदर्शन गर्न पाउने क्षेत्र घोषणा गरेर नागरिकको बिना हातहतियार शान्तिपूर्वक भेला हुने संविधानप्रद्धत्त मौलिक हकको उपभोगमा अवरोध र्पुयाएको भन्दै अन्तरिम आदेश माग गरेका थिए ।
सरकारले खुलामञ्च, तिनकुने खुल्ला चौर, कोटेश्वर, भुईंखेल चौर, भगवान पाउ, पेप्सीकोला खेलमैदान, सानो गौचरण फुटबल मैदान, लैनचौर समाज कल्याण परिषद् अगाडिको खुला स्थान र सिफल चौर, गौशालालाई सार्वजनिक कार्यक्रम तथा प्रदर्शनस्थल तोकेको थियो ।
प्रकाशित मिति: शुक्रबार, असार २२, २०७५
-1732776560.jpg)
