कैलाली । साथीभाइसँग नदीमा नुहाउन गएका दुई बालकको डुबेर मृत्यु भएको छ ।
गौरीगंगा नगरपालिका– ११ शिवपुरमा मंगलबार साँझ नदीमा डुबेर शिवपुरका हर्क भुलका आठ वर्षीय छोरा सचिन भुल र सोही स्थानका बाधुराम चौधरीका १२ वर्षीय छोरा अमन चौधरीको मृत्यु भएको हो ।
उनीहरु स्थानीय कटैनी नदीमा नुहाउन गएका बेला साँभ करिब ७ बजेतिर मृत्यु भएको जिल्ला प्रहरी कार्यालय, कैलालीले जनाएको छ ।
नदीको पानीको सतह बढेका कारण पौडी खेल्ने क्रममा मुत्यु भएको र मृतक दुवै बालकको शव परिक्षणका लागि सेती अञ्चल अस्पताल, धनगढी पुर्याइएको बताइएको छ ।
प्रकाशित मिति: मंगलबार, असार १९, २०७५
-1732776560.jpg)
