काठमाडौं । सरकारले विभिन्न देशका जेलमा ३ सय ३५ नेपाली रहेको जनाएको छ । प्रतिनिधिसभाको बैठकमा विनियोजन बजेटमाथिको छलफल चलिरहँदा सांसदले उठाएका प्रश्नको जवाफ दिने क्रममा परराष्ट्र मन्त्री प्रदीप ज्ञवालीले यो जानकारी दिएका हुन् ।
उनका अनुसार सबैभन्दा बढी साउदी अरबको जेलमा २१९ नेपाली रहेका छन् भने यूएईमा ६३, बैंककमा ३९, बहराइनमा ९, सिंगापुरमा ४, चीनमा ३, इजरायलमा २, ओमानमा २, कम्बोडियामा १ र लेबनानको जेलमा १ जना गरि जम्मा ३३५ जना नेपाली जेलमा रहेको तथ्यांक छ ।
मन्त्री ज्ञवालीले मृत्युदण्ड पाएकाहरुको सजायलाई आजीवन कैदसम्म ल्याउन र गलत आरोपमा जेल परेकाहरुलाई आममाफी दिएर छुटाउन सरकारले पहल गरिरहेको जानकारी दिए ।
यूएईमा रहेका अमरबहादुर बमको मृत्युदण्ड हटाउन सरकारले पहल गरेको तर ठोस उपलब्धि भइनसकेको पनि उनले जानकारी दिए ।
यसैगरि, २० जना नेपाली विदेशस्थित विभिन्न अस्पतालको कोमामा छन् । सबैभन्दा धेरै कतारमा ११ जना छन् भने साउदी अरेबियामा ५, बहराइन र यूएईमा २(२ जना छन् ।
सम्बन्धित देशमा रहेका नेपाली दूतावासहरुले उनीहरुको उपचारबारे चासो राख्दै मन्त्री ज्ञवालीले सदनसमक्ष जानकारी गराएका छन् ।
प्रकाशित मिति: मंगलबार, असार १२, २०७५
-1732776560.jpg)
