काठमाडौं । वरिष्ठ न्यूरो सर्जन डा. उपेन्द्र देवकोटाप्रति अन्तिम श्रद्धाञ्जली दिनेहरुको यतिबेला न्यूरो अस्पतालमा भीड लागेको छ ।
सोमबार साँझ उपचारका क्रममा देवकोटाको निधन भएपछि उनको पार्थिव शरीर राखिएको न्यूरो अस्पताल बाँसबारीमा उच्च पदस्थ व्यक्ति, शुभचिन्तक र आफन्तजनहरु श्रद्धाञ्जलीका लागि पुगेका हुन् । देवकोटाको पार्थिव शरीरलाई अन्तिम श्रद्धाञ्जलीका लागि मंगलबार दिउँसो १ बजेसम्म अस्पताल परिसरमा नै राखिनेछ ।
त्यसपछि नारायणगोपाल चोक, चक्रपथ हुँदै शवयात्रा गरि पशुपति आर्यघाटमा दाहसंस्कार गरिने छ । उनको विद्युतीय माध्यमबाट शवदाह गरिने अस्पताल प्रशासनले जनाएको छ ।
अस्पतालद्वारा सोमबार जारी विज्ञप्ति अनुसार देवकोटा निवास हेपाली हाइटमा पत्नी डा. मधु दीक्षित देवकोटा, तीन छोरीहरु मेघा, वसुधा र मञ्जरीले काजकिरिया गर्ने छन् । काजकिरिया सात दिनमा सम्पन्न गरिने छ ।
प्रकाशित मिति: सोमबार, असार ४, २०७५
-1732776560.jpg)
