१० दिन देखि हराइरहेका बुल्गेरियाका पर्वातारोही बोयान पेट्रोको खोजीका लागि नेपालबाट पहिलो पटक हेलिकोप्टर पठाइएको छ । तिब्बतको सिसापाङ हिमाल चढ्ने पेट्रो हराएका हुन् । काठमाडौंको मकालु एडभाञ्चर प्रालिमार्फत गएका उनी २९ अप्रिल देखि सम्पर्कमा छैनन् । उनी ३ र या ४ मे मा फर्की सक्ने अनुमान गरिएको थियो ।
पेट्रोको उद्दारमा चीनले नेपालको निजी क्षेत्रलाई ४ दिनका लागि दुई वटा हेलिकोप्टर उडाउन अनुमति दिएको जनाइएको छ । चीन सरकारले आरोही पेट्रोको उद्दारका लागि १०, ११, १२ र १३ मेमा सिम्रिक एयरको दुईवटा हेलिकोप्टर तिब्बतमा उडाउन अनुमति दिएको हो । तर, दुई हेलिकोप्टरले खोजी गर्दा पनि पेट्रोको पत्तो लागेको छैन ।
पेट्रोको खोजीका लागि चीन सरकारले १० जनाको उद्दार टोली पनि पठाइदिएको थियो । १३ मेमा ती उद्दारकर्ताले सिसापाङ हिमालको टुप्पोभन्दा १५ मिटर तलसम्म पुगेर खोजी गरेका थिए । पेट्रोले यस अघि ८ हजार मिटर भन्दा अग्लो १० वटा हिमाल आरोहण गरेका थिए ।
प्रकाशित मिति: सोमबार, वैशाख ३१, २०७५
-1732776560.jpg)
