चितवन । चीनमा उपहार पठाउने गैडा समात्ने काम सकिएको छ । चीन पठाउनको लागि चितवन राष्ट्रिय निकुञ्जमा गैडा नियन्त्रण गर्ने काम सकिएको हो। बिहीबार तेस्रो गैडा निकुञ्जको सुखिभिर क्षेत्र बाट नियन्त्रणमा लिएपछि गैडा नियन्त्रणको काम सकिएको निकुञ्जले जनाएको छ ।
यसअघि दुईवटा गैडा नियन्त्रणमा लिएर निकुञ्जको पुर्वी सेक्टर कार्यालय सौराहामा राखिएको निकुञ्जका सुचना अधिकारी तथा सहायक सरक्षण अधिकृत नुरेन्द्र अर्यालले जानकारी दिनुभयो । चीनलाई एक जोडी भाले र एक जोडी पोथी गैडा पठाइदै छ । एकदेखि दुई वर्ष उमेर समूहका चार गैडा पठाइन लागिएको हो ।
एक गैडा भने गत भदौमा बाढीमा परेर उद्धार गरिएको गैडा पठाइनेछ । समातिएका गैडा केही समय बुमामा राखेर हेरचाह गरिनेछ । खानपानको व्यवहार सिकाएपछि गैडा पठाइने अर्यालले बताउनुभयो।
प्रकाशित मिति: बुधबार, वैशाख १९, २०७५
-1732776560.jpg)
