चितवन । चितवनमा चालु आर्थिक बर्षको चैत मसान्त सम्ममा ३ सय ४८ जना महिला तथा बालबालिका हराएका छन् । जिल्ला प्रहरी कार्यालय चितवनको महिला तथा बालबालिका सेवा केन्द्रमा परेको निवेदन अनुसार चितवनमा महिला हराएका निवेदन अत्याधिक पर्ने गरेका छन् ।
चालु आव ०७४–७५ को चैत मसान्तसम्ममा महिला २ सय १ जना, पुरुष ६१ जना, बालक १४ जना र बालिका ५२ जना हराएका छन् ।
यसरी हराएका मध्ये चालु आवको चैत मसान्त सम्ममा २ सय ६९ जना महिला तथा बालबालिका फेला परेको जिल्ला प्रहरी कार्यालय चितवनका प्रवक्ता एवं प्रहरी नायव उपरीक्षक प्रभु प्रसाद ढकालले जानकारी दिए ।
बालश्रम शोषण, बेचबिखनमा लैजादै गरेका र प्रकृया पुरा नगरि सञ्चालन भएका बालगृहमा रहेका लगायत विभिन्न अवस्थाबाट ६६ जना महिला तथा बालबालिकाहरुको उद्धार गरिएको ढकालको भनाइ छ । गत आर्थिक बर्ष ०७३–७४ मा ३ सय ६२ जना हराएकोमा २ सय ७२ जना फेला परेको उनले वताए ।
त्यस बर्ष ८५ जना महिला तथा बालबालिकाहरलाइ उद्धार गरिएको थियो । आव ०७२–७३ मा २ सय ९० जना हराएको र २ सय १९ जना फेला परेको महिला तथा बालबालिका सेवा केन्द्रले जनाएको छ ।
प्रकाशित मिति: आइतबार, वैशाख १६, २०७५
-1732776560.jpg)
