काठमाडौं । ३३ किलो सुन काण्ड र सनम शाक्य हत्या प्रकरणमा छानविनको दायरामा परेका प्रहरी नायव उपरीक्षक समितिको सम्पर्कमा अाएका छन्।
छानबिन गर्न गठन भएको समिति समक्ष बयान दिने क्रममा उनी बयानको लिँदै गर्दाबीचबाट फरार भएका थिए। उनी अाज समितिको सम्पर्कमा अाएका हुन्।
गृह मन्त्रालयका सह–सचिव इश्वर पौडेल नेतृत्वमा गठित समितिका एक सदस्यले दिएको जानकारी अनुसार बिहिबार बिहान संयोजक पौडेललाई टेलिफोन गरेर डिएसपी राउत सम्पर्कमा आएका हुन् ।
वैशाख ११ गते साँझ मन्त्रालयमा बयान दिने क्रममा बहाना बनाएर बाहिर निस्केका राउत एकाएक फरार भएका थिए ।
२०७४ माघ ९ गते काठमाडौंको रत्नराज्य स्कूल अगाडी लुटिएको भनिएको ३३ किलो सुन र सोही सुनको बयान लिने क्रममा सनम शाक्य हत्या प्रकरणमा राउतको पनि संलग्नता देखिएको थियो। राउतसँग समितिले बयान लिइरहेको छ ।
मंगलबार बयान लिइएका जिल्ला प्रहरी कार्यालय मकवानपुरका एसपी विकासराज खनाल र महानगरीय अपराध महाशाखाका सई बालकृष्ण सञ्जेलाई समितिले जिल्ला प्रहरी कार्यालय बिराटनगर पठाएर संगठीत अपराध मुद्धामा अनुसन्धान शुरु गरेको छ ।
एसपी खनाल र सई सञ्जेलमाथि जिल्ला अदालत मोरङबाट संगठित अपराधमा म्याद लिएर अनुसन्धान शुरु गरिएको मोरङ प्रहरी स्रोतले जनाएको छ ।
समितीले पुर्व डिआईजी गोविन्द निरौलाई पनि नियन्त्रणमा लिएर संगठीत अपराध मुद्धामा अनुसन्धान गरिरहेको छ ।
फागुन १८ गते धरानमा यातना दिने क्रममा मारिएका सनम शाक्यको शव बरामदी प्रक्रियामा त्रुटी देखिएपछि समितिकै सिफारिसमा प्रहरी प्रधान कार्यालयले अपराध महाशाखाका एसएसपी विदेश लोहनी र डिएसपी प्रजित केसीलाई महाशाखाको जिम्मेवारीबाट हटाएको थियो ।
लोहनी र केसी प्रहरी प्रधान कार्यालयमा हाजिर भएका छन् भने उक्त घटनमा जोडिएका सई सञ्जेललाई जिल्ला प्रहरी कार्यालयको हिरासतमा राखिएको छ ।
प्रकाशित मिति: बुधबार, वैशाख १२, २०७५
-1732776560.jpg)
