चितवन । चितवन प्रहरीले लागु औषध सहित दुई जनालाई पक्राउ गरेको छ । ईलाका प्रहरी कार्यालय भण्डाराले बिशेष सुराकीको आधारमा मंगलबार विहान पूर्वी चितवनको राप्ती नगरपालिका–११ स्थित चैथलीकी ठुली माया तामाङको गोठबाट लागु औषध बरामद गरेको हो ।
गोठमा खान तलासी गर्दा बोरामा हाली लुकाई राखेको अवस्थामा ११२ किलोग्राम प्रतिवन्धित लागु औषध गाजा बरामद गरिएको जिल्ला प्रहरी कार्यालय चितवनका प्रहरी नायव उपरीक्षक प्रभुप्रसाद ढकालले जानकारी दिनुभयो । यस्तै सो लागु औषध ओसार पसार तथा कारोबारमा संलग्न दुई जनालाई समेत प्रहरीले पक्राउ गरेको छ ।
पक्राउ पर्नेमा राप्ती नगरपालिका वडा नं.११ चैथली बस्ने वर्ष ५० की ठुली माया तामाङ र सोही स्थानका वर्ष २३ का तिलक तामाङ रहेका छन् । उनीहरुलाई लागु औषध नियन्त्रण ऐन २०३३ अन्तर्गत मुद्दा दर्ता गरी अनुसन्धान प्रकृया अगाडी बढाईएको डिएसपी ढकालले बताउनुभयो ।
जिल्लामा शान्ती सुरक्षा अमन चयन कायम राख्नका लागि जिल्ला प्रहरी कार्यालय चितवनले अवलम्वन गरेका पाच रणनितिक योजना अनुसार लागु औषध ओसार पसार नियन्त्रणलाई अभियानका साथ अगाडि बढाएको छ ।
प्रकाशित मिति: सोमबार, वैशाख ३, २०७५
-1732776560.jpg)
