चितवन । वन र वन्यजन्तुको संरक्षण प्रभावकारी बनाउन चितवनको रत्ननगर स्थित सौराहामा वुधवार देखि दुई दिने मिडिया कार्यशाला’ शुरु भएको छ । राष्ट्रिय प्रकृति संरक्षण कोष, जैविक विविधिता संरक्षण केन्द्र सौराहा चितवनको आयोजनामा वुधवार देखि शुरु भएको कार्यशाला गोष्ठिमा चितवनका करिब ३० जना पत्रकारहरुको सहभागिता रहेको छ ।
मिडियामार्फत जाने समाचारले जनमानसमा सकारात्मक भूमिका खेल्ने भएकाले पत्रकारहरुलाई केन्द्रित गरेर कार्यशाला आयोजना गरिएको हो ।चितवन राष्ट्रिय निकुञ्ज र नेपाल पत्रकार महासंघ चितवनको सहकार्यमा शुरु कार्यशाला उद्घाटन समारोहमा बोल्नुहुदै राष्ट्रिय प्रकृति संरक्षण कोष केन्द्रिय कार्यालयका कार्यक्रम निर्देशक सरिता ज्ञवालीले संरक्षण कार्य प्रभावकारी बनाउन मिडियाको भूमिका महत्वपूर्ण रहेको बताउनुभयो ।संरक्षणका हिसाबले विश्वमै नेपालले महत्वपूर्ण भूमिका खेल्दै आएको छ ।
पछिल्लो समयमा बाघ, गैंडा लगायत दुर्लभ वन्यजन्तुहरुको संरक्षणका कार्यहरु अझै प्रभावकारी हुदै गएको छ । चितवन राष्ट्रिय निकुञ्ज नेपालकै उत्कृष्ट संरक्षित क्षेत्र हो ।वन र वन्यजन्तुको क्षेत्रमा अहिलेसम्मको उपलव्धीलाई रक्षा गर्दै अझै संरक्षण चुस्त बनाउन सबै क्षेत्रको सहकार्यको खाचो रहेको संरक्षणकर्मीहरुले बताउनु भयो ।
सो क्रममा चितवन राष्ट्रिय निकुञ्जका प्रमुख संरक्षण अधिकृत बेदकुमार ढकालले जनतालाई संरक्षणमा सूसुचित गराउन मिडियाले महत्वपूर्ण भूमिका खेल्ने भन्दै कार्यशालाले थप सहयोग पुग्ने बताउनुभयो । कार्यशालामा चितवनका पत्रकारहरुलाई पत्रकार महासंघका पुर्व केन्द्रिय अध्यक्ष डा सुरेश आचार्यले प्रशिक्षण दिईरहनु भएको छ ।
सो क्रममा बोल्दै आचार्यले मिडिया परिवर्तनको सम्बाहक र सुचनाको सम्प्रेशक भएको उल्लेख गर्नुहुदै विकासका काममा मिडिया सहयोगी हुने बताउनुभयो । पछिल्लो समया समुदाय स्वतफुर्त रुपमा संरक्षणमा लागेको देख्दा थप उत्साह हुने गरेको ढकाल बताउनु भयो ।
प्रकाशित मिति: मंगलबार, चैत २०, २०७४
-1732776560.jpg)
