चितवन । प्रदेश नम्बर ३ का कृषी तथा भूमिव्यवस्था मन्त्री दावा दोर्जे लामाले मालपोत र नापी कार्यालय भरतपुरको आकस्मिक निरिक्षण गरेका छन् । सेवाप्रबाहमा ढिलासुस्ती हुने गरेको जनगुनासो आएपछि मन्त्री लामाले कार्यालयको निरिक्षण संगै कर्मचारिलाई निर्देशन दिएका हुन् । उनले जनताको काममा ढिलासुस्ती नगर्न र न्यायपूर्ण तवरले काम गर्न कर्मचारीलाई निर्देशन दिए ।
जनताको सेवा प्रबाहमा बाधा पुर्याउने कर्मचारीलाई कारबाही गरिने मन्त्री लामाले चेतावनी दिए । उनले भ्रष्टचारमुक्त कार्यालय बनाउने अभियानमा लागेको भन्दै त्यसमा सबैको साथ आवश्यक रहेको वताए । “कार्यालयले जनताको काम छिटो छरितो गर्नुपर्छ,उनले भने,सानो कामका लागि पनि दुःख दिने प्रबृत्ती अन्त्य हुनुपर्छ ।”
सो अवसरमा मालपोत कार्यालयका कामु प्रमुख खेमनारायण पौडेल र नापी प्रमुख अमृत अधिकारीले कर्मचारी र स्रोतसाधनको अभावमा सेवा प्रवाहमा समस्या भएको गुनासो राखेको थिए । मन्त्री लामाले कार्यालयको निरिक्षणसंगै सेबाग्राहीको गुनासो समेत सुनेका थिए ।
प्रकाशित मिति: सोमबार, चैत १९, २०७४
-1732776560.jpg)
