चितवन । जिल्ला ट्राफिक प्रहरी कार्यालय चितवनले तिव्र गतिमा सवारी चलाउने १५ ओटा सवारीलाइ कारबाहि गरेको छ । पुर्व पश्चिम राजमार्ग अन्तर्गत टिकौली जंगलमा राडर गनको सहायताले सवारी साधनहरुको गति मापन गरिएको थियो ।
सो सडकमा अधिकतम ४० किलोमिटर प्रतिघण्टाको गतिमा सवारी चलाउन पाइने ट्राफिक प्रहरीले जनाएको छ । अधिकांश मोटरसाइकलले उच्च गतिमा सवारी चलाउने गरेको जिल्ला ट्राफिक प्रहरी कार्यालय चितवनका प्रमुख एवं प्रहरी निरीक्षक सन्तोष पन्तले जानकारी दिए ।
उद्योग वाणिज्य संघ चितवनले ट्राफिक कार्यालयलाइ एउटा राडर गन प्रदान गरेपछि सवारीको गति नियन्त्रण सहज भएको पन्तले वताए । चितवन ट्राफिक प्रहरी संग एउटा मात्रै राडर गन रहेको छ । पछिल्लो एक महिनामा राडर गनको सहायताले एक सय ७५ जना सवारीलाइ कारबाहि गरिएको उनको भनाइ छ ।
उच्च गतिमा सवारी चलाउनेलाइ एक पटकमा ५ सय रुपैंया, दोस्रो पटकमा एक हजार र तेस्रो पटकमा १५ सय रुपैंया जरिवाना तिराइने उनले वताए ।
राडन गनको माध्यमबाट नियमित जसो सवारी गति मापन गरिने र उच्च गतिका सवारीलाइ सचेतना समेत प्रदान गरिने पन्त वताउंछन् । जिल्लामा तिव्र गतिका कारण बढि सवारी दुर्घटना हुने गरेकाले तिव्र गतिका सवारी नियन्त्रण अभियानलाइ प्राथमिकता दिइएको छ ।
सार्वजनिक यातायातमा गीत बजाएवापत रोयल्टी तिर्नुपर्ने
काठमाडौँ । सार्वजनिक यातायातमा गीत बजाउदा निश्चित रकम रोयल्टी बापत तिर्नु पर्ने भएको छ । सोमबारबाट यो व्यवस्था देशभरिबाट एक साथ कार्यान्वयन गर्न लागिएको यातायात व्यवस्था विभागले जनाएको छ ।
विकसित देशहरुमा यस्तो व्यवस्था १ सय बर्षभन्दा पहिलेदेखि नै रहेता पनि नेपालमा भने पहिलो पटक लागु गर्न लागिएको विभागको दावी छ । एफएम, क्यासेट प्लेयर जुनसुकै माध्यमबाट गीत बजाउदा पनि रोयल्टी तिर्नुपर्ने हुन्छ ।कसैले आफ्नो सवारी साधनमा गीत नबजाए उसले रोयल्टी तिर्नु पर्दैन । यदि गीतको रोयल्टी नतिरेर बजाएको पाइएमा प्रतिलिपी ऐन बमोजिम दुई लाख रुपैयाँसम्मको तिर्नुपर्ने हुन्छ ।
यो निजी सवारी साधनहरुमा भने लागु हुदैन ।यातायात कार्यालयमा सवारी साधनको रुट इजाजत, नवीकरण गर्न जादा प्रत्येक छ छ महिना वा बार्षिक रुपमा रोयल्टी बुझाउन सकिन्छ ।कुन सवारी साधनले कति तिर्नुपर्छ भने ६ पाङग्रे ठूलो सवारी साधनले बार्षिक रुपमा दुई हजार रुपैया बुझाउनुपर्छ । ३ पाङग्रे ट्याम्पोले ८ सय रुपैयाँ, ट्याक्सी, माइक्रो, जीपले एक हजार रुपैयाँ, चार पाङग्रे मझौला मिनी बसले १४ सय रुपैया, ट्रक, ट्याङकरले बार्षिक १२ सय रुपैया, मिनिट्रकले १ हजार रुपैयाँ, पिक अपले ९ सय रुपैया तिर्नु पर्छ ।
प्रकाशित मिति: आइतबार, चैत १८, २०७४
-1732776560.jpg)
