चितवन । भरतपुर महानगरपालिकाले करको दर अस्वाभाविक रुपमा बढाएको छ । सामान्य दर्ता चलानीमा ५ गुणा र व्यवसायको हकमा दुई हजार प्रतिशतसम्म कर बढाएपछि स्थानीय उद्यमी, व्यवसायीले तिब्र रोष प्रकट गरेका छन ।
गएको पुस २४ गते भरतपुर महानगरपालिकाको प्रथम नगरसभाले आर्थिक ऐन पारित गर्दै नयाा करको दर तोकेको हो । महानगरले लिने सेवा शुल्क, एकीकृत सम्पत्ति, व्यवसाय, कवाडी, जिवजन्तु, विज्ञापन, मनोरन्जन लगायतका करको दर बृद्धि गरेको छ । कतिपय व्यवसायको करमा महानगरले दुई हजार प्रतिशतसम्म बृद्धि गरेपछि उद्योग वाणिज्य संघले पनि असहमति जनाएको छ ।
१० रुपैयाँ लिइने निवेदनको दस्तुरलाई अहिले २५ र्पुयाइएको छ भने २५ रुपैयामा हुने नाता प्रमाणित एक सय रुपैया पुर्याइएको छ । पारिवारिक, नाबालक जन्ममिति, व्यक्तिगत प्रमाणित, खानेपानी जडान, ठाउसारी लगायतमा एक सय ९० बाट ५ सय ७५ र्पुयाएको छ । करको दरमा भएको बृद्धि अस्वाभाविक भन्दै व्यवसायीहरुले पुनर्विचार गर्न माग गरेका छन् ।
महानगरका कार्यकारी अधिकृतले भने नगरसभाले पारित गरे अनुसार नै कर बृद्धि गरिएको दाबी गर्नुभयो । सुबिधा उस्तै तर सेवा शुल्क मात्रै बढाइनु न्यायोचित नभएको महानगरबासीको गुनासो छ । कर र सेवा शुल्कका नाममा महानगरबासीलाई नै दायित्व थप्नुको सट्टा आम्दानीका वैकल्पिक स्रोत खोज्न स्थानीयको आग्रह छ ।
प्रकाशित मिति: सोमबार, चैत १२, २०७४
-1732776560.jpg)
