चितवन । भरतपुर अस्पतालमा कर्मचारी नियुक्तिको विषयमा राजनितिक हस्तक्षेप भएको अस्पताल व्यवस्थापन समितिले जनाएको छ । अस्पतालको ५५ औं बार्षिकोत्सव बारे जानकारी दिने उदेश्यले सोमबार आयोजना गरिएको पत्रकार सम्मेलनमा बोल्दै अस्पताल व्यवस्थापन समितिका अध्यक्ष राजकुमार राजभण्डारीले अस्पताल विकासमा संकट शुरु भएको वताए ।
भरतपुर अस्पतालले चैत २५ गते ५५ औं बार्षिकोत्सव मनाउन लागेको छ । बार्षिकोत्सवको पुर्व प्रधानमन्त्रि एवं नेकपा माओवादी केन्द्रका अध्यक्ष पुष्पकमल दाहाल प्रचण्डले उद्घाटन गर्ने कार्यक्रम छ । भरतपुर अस्पतालमा फोहोर व्यवस्थापन गर्न नसकिएको स्विकार्दै अस्पताला प्रमुख मेडिकल सुपरीटेन्डेन्ट रुद्र प्रसाद मरासीनीले अस्पतालबाट निस्केको फोहोर बाहिर कहां लैजाने भन्ने कुरामा निर्णय नभएको वताए ।
अस्पतालको हाताभित्र बाट निस्केको ढल भरतपुर महानगरपालिकाले व्यवस्थापन गर्नुपर्ने भन्दै उनले महानगरलाइ पटक पटक पत्राचार गरेपनि महानगरले चासो नदिएको वताए । अस्पतालको सबैभन्दा ठुलो चुनौति कलेज अफ मेडिकल साइसेन्स अर्थात पुरानो मेडिकल कलेज संगको भाडा असुल्ने रहेको छ । पुरानो मेडिक कलेजले भरतपुर अस्पतालको ९ विगाहा जग्गा विंस.२०५२ सालमा प्रति विगाहा प्रति बर्ष ५० हजार रुपैंया भाडा दिने सहमति भएको थियो ।
४९ बर्षको लागि सम्झौता रहनेगरि सहमति भएको ५ बर्षपछि प्रत्येक बर्षमा १० प्रतिशतका दरले भाडा बृद्धि गर्ने शर्तमा दुवै पक्षविच सम्झौता भएको प्रमुख मेसु मरासिनीले वताए । पछि वि.स. २०६३ सालमा तत्कालिन अस्पताल व्यवस्थाप समितिले प्रति विगाहा प्रति बर्ष १ लाख रुपैंया भाडा बृद्धि भई बृद्धि दर हटाइएको उनले वताए । महालेखा परिक्षकको कार्यालयले गरेको लेखा परिक्षण अनुसार कलेज अफ मेडिकल साइन्सेसले भरतपुर अस्पताललाइ करिब १ करोड ५० लाख रुपैंया भाडा दिन बांकी छ ।
भरतपुर अस्पताललाइ आगामी १० बर्षभित्र अति विशिष्ट सेवाहरु सहितको एक हजार शैयाको जनताको अस्पताल र सरकारी मेडिकल कलेजको रुपमा विकास गर्ने लक्ष्य रहेको मेसु मरासिनीको भनाइ छ । अस्पतालमा हाल ६ सय भन्दा बढि शैया सञ्चालनमा छन्
प्रकाशित मिति: आइतबार, चैत ११, २०७४
-1732776560.jpg)
