जिल्ला ट्राफिक प्रहरीले चितवनमा विहीबार देखी २० वर्ष पुराना सवारी साधन नचलाउन आग्रह गरेको छ । सरकारले चैत्र १ गतेदेखी देशभर २० वर्ष पुराना सवारी साधन चलाउन नपाउने नियम बनाएपछि चितवनमा पनि कडाई गर्न लागिएको हो ।
चितवन ट्राफिक प्रहरीले आज एक सूचना जारी गर्दै सरकारको नियम पालना गर्न आग्रह गर्दै अटेर गरी पुराना सवारी चलाईएको पाईएमा कडा कारवाही गर्ने जनाएको छ । जिल्ला ट्राफिक प्रहरी कार्यालय चितवनका प्रमुख सन्तोष पन्तले २० वर्ष पुराना सवारी चलाएको पाईएमा नियन्त्रणमा लिएर यातायात व्यवस्था कार्यालय पठाईने जानकारी दिनुभयो ।
उहाँले यातायात व्यवसायीहरुलाई २० पुुराना सवारी साधन नचलाउन आग्रह गर्दै सरकारको नियम पालना गर्न आग्रह गर्नुभयो । साथै अहिलेसम्मा चितवनमा ५ वटा सवारी साधन नियन्त्रणमा लिएको र यातायात सेवा कार्यालयमा पठाउने तयारी भएको जिल्ला ट्राफिक प्रहरी कार्यालय चितवनका प्रमुख पन्तले जानकारी दिनुभएको छ । दर्ता मितिले २० बर्ष नपुगेको सवारीलाई चल्न दिइने र २० बर्ष अबधि पुगीसकेका सवारीको रिन्यु अबधि बाकी रहेको भएपनि चलाउन नपाईने उहाले उल्लेख गर्नुभयो ।
मन्त्रिपरिषद्ले २०७१ भदौ २६ गते दुई वर्ष्भित्र २० वर्ष पुराना सवारी साधन गुड्न नदिने निर्णय गरेको थियो । यातायात व्यवसायीले निर्णयको विरोध गरेपछि राजपत्रमा सूचना प्रकाशन गर्न ढिलाइ भयो । जसका कारण निर्णय कार्यान्वयन गर्नमा ढिलाई भएको थियो । यातायात व्यवस्था विभागले २० वर्ष पुराना ट्याक्सी र विद्युतीय सवारी साधन भने गुड्न दिइने जनाएको छ ।
प्रकाशित मिति: शनिबार, चैत ३, २०७४
-1732776560.jpg)
