चितवन । नेपाल निजामति कर्मचारी युनियन संघको आइतवार देखि रत्ननगरमा सुरु हुने सातौं महाधिवेशनको तयारी पुरा भएको छ । तीन दिन सम्म चल्ने सो महाधिवेशनको सम्पूर्ण तयारी पुरा भएको संघले शनिबार पत्रकार सम्मेलन गरी जानकारी दिएको छ । महाधिबेशनको नेपाली काँग्रेसका सभापति शेर बहादुर देउवाले विहान ११ बजे होटल स्टार व्यन्क्युटमा उद्घाटन गर्ने छन ।
उद्घाटनमा सभापति देउवा सहित बरिष्ठ नेता रामचन्द्र पौडेल,महामन्त्री कृष्णप्रसाद सिटौला र कोषाध्यक्ष सीतादेवी यादव समेत सहभागी हुने छन । महाधिवेशनमा सहभागी हुन देशभरबाट प्रतिनिधिहरु आउनेक्रम सुरु भईसकेको छ ।
महाधिवेशनमा ५७० जना प्रतिनिधि र २०० जना परिबेक्षकको सहभागिता रहने संघका अध्यक्ष सुवोध कुमार देवकोटाले जानकारी दिए । प्रतिनिधि तथा परिवेक्षकको आवासको लागि सौराहामा व्यवस्था मिलाईएको छ । महाधिवेशनले ८५ सदस्यीय केन्द्रीय कार्यसमिति र सात वटा प्रदेश समिति चयन गर्नेछ ।
संघको नयाँ नेतृत्वको लागि सहमतिको प्रयास भईरहेको र सहमति हुन नसके निर्वाचन हुने अध्यक्ष देवकोटाले बताए । महाधिवेशनले संघीय संरचना अनुसारको केन्द्रिय समिति तथा प्रदेश समिति चयन संगै कर्मचारीको व्यवस्थापन र संघीयता कार्यान्वयनको लागि नीतिगत छलफल गरी एउटा निर्कषमा पुग्ने अध्यक्ष देबकोटाले बताए । उनले मुलुक र जनताले चाहेको परिर्वतन संस्थागत र संघीयता कार्यान्वयको लागि गुणस्तरीय सेवा प्रदान गर्न महाधिवेशनले कर्मचारीहरुलाई प्ररित गर्ने अध्यक्ष देवकोटाले बताए ।
त्यसैगरी पाँचौं महाधिवेशनबाट फुटेर नेपाल निजामति कर्मचारी युनियन र नेपाल निजामति कर्मचारी युनियन संघ बनाएका कर्मचारीहरु सातौं महाधिवेशनमा एक भएका छन । नेपाल निजामति कर्मचारी युनियनलाई नेपाल निजामति कर्मचारी युनियन संघमा समायोजन गरी एकताको महाधिवेशन गर्न लागिएको हो ।
त्यसैगरी नेपाल निजामति कर्मचारी युनियन संघको अध्यक्षमा तीन जना आकाँक्षी देखिएका छन । अध्यक्ष पदका लागि वर्तमान बरिष्ठ उपाध्यक्ष गोपाल पोखरेल,महासचिव शरद अधिकारी र सचिव राजेन्द्र बुढाथोकी बीच प्रतिस्पर्धा हुने श्रोतले बताएको छ ।
प्रकाशित मिति: शुक्रबार, चैत २, २०७४
-1732776560.jpg)
