चितवन । चितवनमा मिटरबाट विद्युत चोरी गर्ने सेवाग्राहीको संख्या बढ्दै गएको छ । प्रविधिको विकास र नागरिकमा दक्षता बढेसंगै मिटरबाटै विद्युत चोरी गर्नेको संख्या बढेको हो ।
नेपाल विद्युत् प्राधिकरण भरतपुर वितरण केन्द्रका अनुसार आर्थिक बर्ष ०७४÷७५ को ७ महिनामा १९ जना सेवाग्राहिले मिटरबाट विद्युत चोरी गरेका छन् । उनिहरुबाट ४ लाख ६ हजार ८ सय रुपैंया असुल उपर गरिएको विद्युत प्राधिकरण भरतपुर वितरण केन्द्रका इन्जिनियर अविनाश महतले जानकारी दिए ।
गत आव ०७३÷७३ मा ७ जनाले मात्रै मिटरबाट विद्युत चोरी गरेका थिए । उनिहरुबाट ३ लाख ४ हजार २ सय रुपैंया असुलउपर गरिएको प्राधिकरणले जनाएको छ । त्यस्तै चालु आर्थिक बर्षमा ८ जनाले हुकिङ गरि विद्युत चोरी गरेका छन् । गत आवमा ४७ जनाले हुकिङ गरि विद्युत चोरी गरेको प्राधिकरणले जनाएको छ । डिमाण्ड लसबाट ५ लाख ३२ हजार ५ सय रुपैंया इन्जिनियर महतले जानकारी दिए ।
अप्राविधिक तर्फ विद्युत चुहावट शुन्य बनाउने प्रयास भएको उनले वताए । विद्युत प्राधिकरण भरतपुर वितरण केन्द्रको माघ मसान्तसम्ममा विद्युत् चुहावट ८ दशमलव ७१ प्रतिशत रहेको छ । प्राधिकरणले औसत मासिक १ करोड ३१ लाख ३८ हजार ९ सय रुपैंयाको विद्युत विक्री गरेको छ ।
प्रकाशित मिति: बिहीबार, चैत १, २०७४
-1732776560.jpg)
