काठमाडौँ । नेपालीहरु भारतीय भन्दा खुसी रहेको तथ्यांकले देखाएको छ। विश्वका १५६ मुलुकहरुको सूचीमा नेपाल भारत भन्दा अगाडि देखिएको हो।
खुसी देशहरुको सूचीमा १०१ औँ स्थानमा परेको छ। भने भारत १३३ औँ स्थानमा छ । वल्र्ड ह्याप्पीनेस रिपोर्ट २०१८ मा १५६ वटा देशहरुको सूचीमा नेपाल १०१ औँ स्थानमा परेको हो।
सन् २०१४–१६ मा नेपाल यो सूचीको ९९ औँ स्थानमा थियो। यो सूचीमा सबैभन्दा अगाडि फिनल्याण्ड रहेको छ। अघिल्लो वर्ष पहिलो खुसी मुलुकको सूचीमा पहिलो स्थानमा रहेको नर्वेलाई पछाडि पार्दै यसवर्ष फिनल्याण्ड पहिलो स्थानमा उक्लिएको हो।
दक्षिण एसियामा सबैभन्दा कम खुसी देश अफगानस्तान र भारत देखिएका छन्। अफगानस्थान सूचीको १४५ औँ स्थान र भारत १३३ औँ स्थानमा रहेको छ।
दक्षिण एसियामा सबैभन्दा खुसी मुलक पाकिस्तान रहेको रिपोर्टमा उल्लेख छ। उसले ७५ औँ स्थानमा रहेको पाकिस्तानले ५.४७२ अंक पाएको छ। त्यस्तै भुटान दक्षिण एसियामा दोस्रो खुसी मुलुकमा दर्ता भएको छ। भुटान सूचीको ५.०८२ अंकका साथ ९७ औँ स्थानमा रहेको छ।
त्यस्तै बंगलादेश ११५ औँ र श्रीलंक ११६ औँ स्थानमा रहेको छ।
प्रकाशित मिति: बुधबार, फागुन ३०, २०७४
-1732776560.jpg)
