चितवन । आकस्मीक चेकजाचको अभियानलाई निरन्तरता दिईरहेको चितवन प्रहरीले अहिलेसम्म ६९ जनालाई पक्राउ गरि कार्बाही गरेको छ । यहि अभियान शुरु गरे संगै लागुऔषध संहित २१ जनालाई पक्राउ गरि मुद्धा दर्ता गरेको जिल्ला प्रहरी कार्यालय चितवनले जनाएको छ ।
अदालतबाट कैद तोकीएका वा फरार रहेका, कुनै सार्बजनिक अपराध गरेर भाग्न सक्ने र नियम बिपरित सवारी चलाउनेलाई लक्षीत गरि आकस्मीक चेकजाच अभियान शुरु गरिएको चितवन जिल्ला प्रहरी कार्यालयका प्रबक्ता डि एस पि प्रभुप्रसाद ढकालले बताउनुभयो । जिल्ला प्रहरी कार्यालय चितवनले शहरी क्षेत्र मात्र नभएर ग्रामिण क्षेत्रलाई पनि लक्षीत गरि अभियान निरन्तर अघि बढाईरहेको उहाको भनाई छ ।
अपराधिक गतिबिधि गरेर हिडन सक्ने र हुन सक्ने स्थानलाई प्रहरीले आईडेन्टिफाई गरेको बताउदै प्रबक्ता ढकालले ग्रामीण क्षेत्रमा प्रहरीको पहुच नपुग्ने भन्दै अपराधिक गतिबिधि हुनसक्ने हुनाले त्यस्ता स्थानलाई पनि लक्षीत गरि चेकजाच गरिरहेको बताउनु भयो ।
अभियानलाई सफल बनाउन सादा पोशाक प्रहरी, शहर देखी गाउ र जिल्ला देखी चौकी हरेक तहसम्म प्रहरीको पहुच र सक्रियता बढाईएको उहाको भनाई रहेको छ । साथै कुनै स्थानमा प्रहरीको चेकजाच छलेर भागेमा अर्को स्थानबाट पक्राउ गर्न सकिने संयन्त्र समेत जिल्ला प्रहरी कार्यालय चितवनले बिकास गरेको छ ।
प्रकाशित मिति: मंगलबार, फागुन १५, २०७४
-1732776560.jpg)
