काठमाडौँ । महिला अधिकारकर्मी प्रतिमा पोखरेलको निधन भएको छ । २००२ साल असोज २० गते संखुवासभा जिल्लाको लिङलिङ फापुङ गाविस देवलडाँडामा जन्मनु भएकी प्रतिमा पोख्रेलको उपचारका क्रममा बुधबार काठमाडौँको नर्भिक अस्पतालमा असामयिक निधन भएको हो ।
१४ वर्षकै उमेरमा २०१६ सालमा विवाह भएपनि उनी शैक्षिक क्षेत्रमा आफूलाई अगाडि बढाउँदै आफूलाई शिक्षत पािरन् । त्यतिवेलाका धरानका समाज सुधारक पण्डित छविलाल पोख्रेलका काँहिला छोरा मुकुन्दराज पोख्रेलसँग विवाह भए पश्चत पनि घरको काम गर्दै पढाईलाई अगाडि बढाएकी उनले उदाहरणको रुपमा प्रस्तुत भएकी थिइन् ।
आजका महिलाकर्मीहरुको लागि उदाहरणको रुपमा रहेकी उनको निधनले समग्र महिला अधिकारको क्षेत्र मर्माहत भभएको छ । धरानको वालिका माविमा १२ वर्ष सम्म प्रमुख प्रधानाध्यापिका भई पूर्वान्चलमै स्वीस सरकारको सहयोगमा नमूना आधुनिक विद्यालय निर्माण गर्न उनको ठूलो योगदान रहेको छ । उनले महिलालाई शिक्षामा संलग्न गराउन सफल उनले पढाएका महिला विद्यार्थीहरु राष्ट्रको र अन्तराष्ट्रिय संघसंस्थामा समेत महत्वपूर्ण जिम्मेवारीमा रहेका प्रशस्तै उदाहरण छन् ।
उनले तात्कालिन अवस्थामा प्राप्त गरेका राष्ट्रिय सम्मान र पदक असंख्य छन् । धरानमा दर्जनौं रेडक्रस लगायतका संघ संस्थाहरुको नेतृत्व गरेकी उनले जीवनको उत्तरार्धमा समेत काठमाडौंका महिलाहरुको संगठन गृह श्रमिक सरोकार समाजको स्थापना गरेकी थिइन् । काठमाडौंको काँठका महिलाहरुलाई दर्जनौं सहकारीमार्फत सीपलाई आयआर्जन कार्यमा संलग्न गराउन उनको ठूलो योगदान रहेको छ ।
दमको बिरामीबाट एक अथक प्रेरणाको श्रोत समाजसेवीले बिदा लिएकी छिन् । उनका श्रीमान् मुकुन्दराज पोख्रेल, जेठी छोरी प्रभा पोख्रेल तथा ज्वाईं डा. दिनेशचन्द्र देवकोटा, एक छोरा उज्वल पोख्रेल तथा बुहारी बिनिता कोइराला र कान्छी छोरी नीता पोख्रेल तथा ज्वाईं ग्यारेट किलरोइ एवं नाति नातिनाहरु प्रवेश, दिक्षा, अंशु, र मन्त्र छन् ।
प्रकाशित मिति: सोमबार, फागुन १४, २०७४
-1732776560.jpg)
