चितवन । सडक दुर्घटना रोक्न र सडकलाई व्यवस्थित बनाउन दिनरात खटिने ट्राफिक प्रहरीहरुको शनिबार स्वास्थ्य चेकजाच गरिएको छ । पुष्पाञ्जली अस्पतालका प्रबन्ध निर्देशक डाक्टर भोजराज अधिकारीको जन्मदिनको अवसरमा ट्राफिक प्रहरीहरुलाई यो अवसर जुटेको हो ।
जिल्ला ट्राफिक प्रहरी कार्यालय चितवनको भवनमा नै उनिहरुको स्वास्थ्य चेकजाँच गरिएको हो । गाडीको धुवाँ धुलो र चर्काे ध्वनीलाई सहेर सडकमा दिनभर रहदा उनिहरुको स्वास्थ्यमा असर पर्न सक्ने भन्दै डाक्टर अधिकारीले कार्यक्रमको आयोजना गरेको जानकारी दिए ।
गाडीको धुवा र सडकको धुलोले मानिसको फोक्सोमा असर गर्नेभएकोले सडकमा रहेर ड्युटी गर्ने ट्राफिकको फोक्सोको अवस्था के कस्तो छ भनि चेकजाँच गरिएको अधिकारीले बताए । चेकजाँचका क्रममा कसैलाई समस्या देखिएमा पुष्पाञ्जली अस्पतालले निःशुल्क सेवा प्रवाह गर्ने समेत उनले प्रतिबद्धता व्यत्त गरेका छन् ।
यस्तै सोहि कार्यक्रममा बोल्दै चितवनका प्रदेश २ का सांसद विजय सुवेदीले डाक्टर अधिकारीलाई जन्मदिनको शुभकामना दिदै राज्यको अभिन्न अगंको स्वास्थ्य प्रतिको चासो सहनिय भएको बताएका छन् । राज्य र राज्यका नागरिकका लागि सदैव तैनाथ रहने ट्राफिक पुलिस प्रशासनको स्वास्थ्य महत्वपुर्ण भएको उनले बताएका छन् ।
डाक्टर अधिकारीलाई जन्मदिनको शुभकामना दिदै जिल्ला ट्राफिक प्रहरी कार्यालय चितवनका प्रमुख सन्तोष पन्तले आफ्नो करियरको सबैभन्दा खुसीको पल आजको दिन रहेको बताएका छन् । प्रहरी प्रशासनलाई सधै आम नागरिकले डर र हेलाको दृष्टिले हेर्ने गरेको भएपनि उनिहरुको स्वास्थ्यका लागि कसैको चासोेले खुसी तुल्याएको बताए । उनले यस किसिमका कार्यक्रमहरुले प्रहरी प्रशासनको मनोबल र नागरिक प्रतिको जिम्मेवारीलाई अझै बढाउने जिकिर गरे ।
प्रकाशित मिति: शुक्रबार, फागुन ११, २०७४
-1732776560.jpg)
